Hindi ko po hilig talaga ang magsalita ng masama o mang-debunk o mampuna ng ibang vloggers. Pero hindi ko pwedeng palampasin ang paglalapastangan sa ating mga kabataan at sa ating mga kababayang nasa baba ng lipunan.
 |
| This Vietnamese vlogger has to stop making poverty porn content. |
Pinagkakakitaan ng mga dayuhang vlogger ang paggawa ng mga 'poverty porn' content. Ang iba namimigay ng salapi sa mga mahihirap na Pinoy; pero itong sa vlogger na ito, kakaiba.
Tumungo sa mga nakakadiri; nakakalungkot na sulok ng Tondo. At binibidyohan ang lahat ng tao; kahit na sa pamamahay ay pumapasok nang walang abiso.
Kumukuha ng imahe ng mga batang kalyeng ang iba ay nakahubad na natutulog; at hindi nilalagyan ng blur ang mga mukha ng mga gusgusing musmos. Binalewala ang ating batas sa privacy at protection ng mga bata patungkol sa exposure sa social media.
Tinuring n'yang isang zoo ang Tondo; at bagama't halatang naiinis o nahihiya ang mga binibidyo n'ya nang walang pahintulot; nakayanan pa ring igalang ng ating mga kababayan ang dayuhan.
Kaya't hindi man perpekto ang Ingles ko, sinubukan kong gumawa ng English vlog para malaman ito ng kanyang halos 400,000 subscribers at maintindihan na rin ng naturang vlogger.
Sumulat din ako ng e-mail sa embahada ng Vietnam patungkol sa YouTuber na ito na target ang mga kahirapan sa iba't-ibang sulok ng mundo para sa kanyang sariling interes at dolyares na kita.
Maaring i-share ang video na ito. Salamat po.
#PovertyPorn #PovertyPornVlogger #DangerousVlog #PovertyVlog #PinoyBaiting #LạiNgứaChân #lainguachan #langthang #trainghiem
No comments:
Post a Comment